Liebi Jacqueline

Ich chan mi na gnau erinnärä, wiä ich im Januar 2016 uf dä Suächi nachärä „zu eus passändä-Shiatsu-Person“ gsi bi. Dini Praxis liit zwar nöd gad uf eusäm Wäg, aber mis Buchgfühl hät mi nöd toschä. Du bisch für eus und dä Buäbi ä riiisä Beriicherig und für das händ mir Dir mal wellä vo ganzem Herzä Dankä sägä! Du häsch niä über eus und dä Buäbi g’urteilt, bisch immer zu 100% authentisch, gsehsch immer s’positivä und häsch am Wayne sini Persönlichkeit immer zu 100% respektiert. Ich chönt da na viiil meh ufzellä abr wiä mir dank äm Wayne so schön glernt händ – „weniger ist manchmal mehr“  halti mi churz. Du bisch und wirsch wohl di einzig Person uf derrä Welt sii/bliibä, wo dä Buäb 40 Minutä lang behandlä chan, will är aifach merkt, dass ihm das guät tuät. Körperkontakt und aifach gechillt noimät liggä am nä „fremdä Ort“, das sind zwar nöd unbedingt sini Stärkänä, aber dank Dinärä authentischä, nöd urteiländä, positivä, liebevollä, ufgstelltä (etc.) – Art macht dä Buäbi bi Dir da än Usnahm, ja ä „chillti Sockä“ wird är niä wärdä und das isch au guät so – doch hät är mittlerwiilä Sini, für Ihn passändi innäri Balance gfundä und isch aifach glücklich und zfridä. meh hämmer niä wellä und drum namal, liebi Jacqueline, vo ganzem Herzä aifach nur DANKE für alläs ganz liebi Grüäss vo eus allnä